DISPOZITA DHE KUSHTE („TOC“)

 

Mirëseardhët në sistemin për menaxhimin me identitetin dhe qasjen në Takeda (“Takeda ID“)! Ju falënderojmë që i përdorni faqen tona të internetit, aplikacionet (“APP“) dhe shërbime të tjera digjitale (“Shërbime“). Këto shërbime i ofron Takeda Pharmaceuticals International AG (në tekstin e mëtejshëm “Takeda“).

 

ME KLIKIMIN E BUTONIT “PRANOJ“ NË FAQEN E INTERNETIT ose APLIKACIONIN E TAKEDA JU I KENI LEXUAR DHE I KENI KUPTUAR DISPOZITAT DHE KUSHTET DUKE PËRFSHIRË ZGJIDHJE TË KONTESTIT DHE PAJTOHENI ME KËTO DISPOZITA DHE KUSHTE QË NË MËNYRË LIGJORE DO T’JU OBLIGOJNË QË JU TË KONFIRMONI SE TË PAKTËN JENI LIGJËRISHT MADHORË NË VENDIN KU BANONI.

 

NËSE NUK PAJTOHENI, OSE NUK MUND TË PAJTOHENI ME KËTO DISPOZITA DHE KUSHTE JU NUK MUND T’I PËRDORNI, T’I SHKARKONI OSE DUHET TË NDËRPRISNI SË PËRDORURI KËTO SHËRBIME.

 

QËLLIMI

 

Ne, Takeda (në tekstin e mëtejshëm: “Takeda“, „ne“, „tona“ ose „e jona“) i zhvilluam këto dispozita dhe kushte që ju mundësojnë (“Përdoruesit“) të autentifikoheni që “shërbime“ të ndryshme duke përdorur një çift emër përdoruesi dhe fjalëkalim (një regjistrim).

 

Nëse pajtoheni me këto dispozita dhe kushte me klikimin e butonit “PRANOJ“, ju jepet licencë botërore, jo ekskluzive me  mundësi për ndërprerje, pa kompensim për përdorimin tuaj të Takeda ID. Nëse  i përdorni Shërbimet në emër të punëdhënësit tuaj, ju konfirmoni dhe garantoni se keni autorizim që ta obligoni punëdhënësin tuaj me këto dispozita dhe kushte.

 

Këto dispozita dhe kushte i përcaktojnë kushtet ligjore të zbatueshme sipas të cilave Takeda ju ofron qasje në shërbimet ose me të cilat janë të lidhura dispozitat dhe kushtet dhe me të cilat keni rënë dakord kur i përdorni shërbimet.

 

Këto dispozita dhe kushte përcaktojnë lidhjen dhe politikën e përdorimit ndërmjet jush dhe Takeda (dhe shërbimeve të saj). Ata nuk krijojnë asnjë të drejtë për asnjë përdorues të palës së tretë.

 

PËRMBAJTJA E SHËRBIMEVE

 

Shërbimet, duke përfshirë çdo të dhënë, grafik, dizajn, vepra arti, tekst, video klip, audio klip, markë tregtare të mbrojtur, logo, markë shërbimi dhe/ose përmbajtje të tjera të ofruara në, në ose nëpërmjet Shërbimeve (të referuara kolektivisht si "Përmbajtja e Takeda" ) janë në pronësi të Takeda ose licencuesve të saj dhe mbrohen sipas ligjeve zviceriane dhe ligjve të huaja për të drejta autori, marka tregtare dhe ligje të tjera.

 

Shërbimet tona mund të shfaqin disa përmbajtje, funksione dhe softuer nga faqe të tjera përveç nga Takeda. Kjo përmbajtje, edhe pse  i nënshtrohet auditimit nga pikëpamja ligjore, mbetet përgjegjësi e vetme e palës së tretë që e ofron atë. Çdo përmbajtje që konstatohet se i shkel ligjet ose politikat tona do të mënjanohet.

 

PA NDIHMË MJEKËSORE

 

Përmbajtja e Takeda është vetëm për qëllime informative. Përdorimi juaj i Shërbimeve nuk përbën, krijon ose zëvendëson marrëdhëniet mjek-pacient, terapist-pacient ose marrëdhënie të tjera profesionale shëndetësore midis Takeda dhe jush - E gjithë përmbajtja e ofruar nëpërmjet Shërbimeve të ndryshme nuk duhet të përdoret në vend të (a) këshillave nga mjeku juaj ose (b) vizitën, telefonimin ose konsultimin me mjekun tuaj.

 

KRIJIMI I LLOGARISË

 

Nga ju kërkohet të siguroni të dhëna për regjistrimin për veten tuaj kur hapni një llogari Takeda ID ("Të dhëna për llogarinë"). Duke përdorur shërbimet tona, ju pranoni të jepni të dhëna të sakta, aktuale dhe të plota të llogarisë dhe ta përditësoni sipas nevojës për ta bërë atë të saktë, aktuale dhe të plotë. Në asnjë mënyrë duke mos kufizuar ose revokuar Politikën e Privatësisë së Takeda, ju pranoni që Takeda mund të ruajë dhe përdorë të dhënat e llogarisë që ju jepni për t'u përdorur në mirëmbajtjen e llogarisë tuaj dhe në ofrimin e shërbimeve të Takeda. Ju jeni vetëm përgjegjës për të gjitha aktivitetet që zhvillohen përmes llogarisë suaj, për sigurimin dhe ruajtjen e të dhënave të sakta të llogarisë dhe për ruajtjen e konfidencialitetit të fjalëkalimit tuaj. Në rast të përdorimit të paautorizuar të fjalëkalimit ose llogarisë suaj, duhet të njoftoni menjëherë Takeda. Të dhënat e llogarisë suaj do t'i nënshtrohen politikës së privatësisë Takeda, e cila është pjesë e këtyre dispozitave dhe kushteve.

 

TË DHËNAT TUAJA DHE PRIVATËSIA JUAJ

 

Politika e privatësisë së Takeda do të përcaktojë gjithashtu mënyrat në të cilat ne mbledhim dhe përdorim të dhënat teknike nga pajisja përmes së cilës ju përdorni Shërbimet. Takeda ka marrë masa që beson se janë të përshtatshme ose përgjithësisht të pranuara për të garantuar sigurinë dhe konfidencialitetin e të gjitha të dhënave që ju jepni kur përdorni Shërbimet. Ju lutemi vini re se faqet e internetit ose transmetimet e internetit nuk janë kurrë plotësisht private ose të sigurta dhe se çdo mesazh ose të dhëna që dërgoni duke përdorur Shërbimet mund të lexohet ose përgjohet nga të tjerët, duke përfshirë palët e treta keqdashëse, pavarësisht njoftimeve të veçanta që thonë se transmetimi është i koduar.

 

KËRKESA PËR SISTEM OPERATIV

 

Këto kërkesa mund të ndryshohen në çdo kohë dhe do të postohen në faqen tonë të internetit ose nëpërmjet shkresës së drejtpërdrejtë tek përdoruesit tanë.

 

MBËSHTETJE DHE KOMUNIKIME

 

Ne mund t'ju ofrojmë njoftime dhe përditësime të rëndësishme dhe të dhëna të tjera në lidhje me ndryshimet në Shërbimet tona, funksionalitetin e tyre, politikat tona ose çdo të dhënë tjetër që ne e konsiderojmë të domosdoshme për të komunikuar me ju. Mund t'ju mundësohet opsioni për të hequr dorë nga disa prej këtyre shkresave.

 

Si do të komunikojmë me ju - Nëse duhet të kontaktojmë me ju, do ta bëjmë këtë nëpërmjet adresës e-mail, SMS ose mjete të tjera siç është kontraktuar paraprakisht me ju, duke përdorur të dhënat e kontaktit që na keni dhënë.

 

Udhëzues për përdoruesin dhe mbështetja teknike - Nëse keni pyetje në lidhje me përdorimin e Takeda ID ose nëse keni ndonjë problem teknik në përdorimin e Takeda ID, ju lutemi shikoni faqen tonë të internetit, aplikacionin ose mbështetjen e shërbimit për të gjetur mbështetjen tuaj teknike.

 

PËRDORUES

 

Nëse i shkarkoni ose nëse qaseni në ndonjë mënyrë tjetër tek Shërbimet nëpërmjet ndonjë telefoni ose pajisjeje tjetër që nuk është në pronësinë tuaj, duhet të keni leje nga pronari për ta bërë këtë. Ju do të jeni përgjegjës për respektimin e këtyre dispozitave dhe kushteve, pavarësisht nëse zotëroni një telefon ose pajisje tjetër.

 

E drejta për të përdorur Shërbimet ju jepet juve personalisht në një nivel ekskluziv. Përndryshe, ju nuk mund t'i transferoni Shërbimet te dikush tjetër, qoftë për para, shërbime me vlerë ose pa pagesë. Nëse shet ndonjë pajisje në të cilën janë instaluar Shërbimet, duhet detyrimisht t'i fshini Shërbimet nga platforma e lartpërmendur.

 

Nëse i përdorni Shërbimet tona në emër të një subjekti afarist, një përdorim i tillë nënkupton që subjekti i pranon këto dispozita dhe kushte. Subjekti do të dëmshpërblejë Takeda dhe të gjitha filialet e saj, punonjësit dhe përfaqësuesit e saj, nga çdo pretendim, padi ose veprim që lind nga ose në lidhje me përdorimin e këtyre Shërbimeve, duke përfshirë çdo detyrim ose kosto që rrjedh nga pretendimet, humbjet, dëmet (të tilla siç janë cekur më poshtë), padi, aktgjykime, shpenzimet gjyqësore dhe tarifa avokatie.

 

TË DREJTAT E PRONËSISË INTELEKTUALE

 

Të gjitha të drejtat e pronësisë intelektuale në Shërbime do t'i përkasin Takeda absolutisht dhe plotësisht. Këto të drejta përfshijnë markat tregtare (pa dallim nëse janë të regjistruara apo të paregjistruara), të drejtat e autorit, të drejtat e dizajnit (pa dallim nëse janë të regjistruara apo të paregjistruara), markat tregtare (pa dallim nëse janë të regjistruara apo të paregjistruara) dhe të drejta të tjera të pronësisë intelektuale ku dhe do të jenë të zbatueshme në vende dhe rajone të caktuara, së bashku me të drejtën e aplikimit për mbrojtjen e tyre.

 

Në varësi të pajtueshmërisë tuaj me dispozitat dhe kushtet, të drejtat në Shërbime licencohen për ju (nuk shiten) në një mënyrë të kufizuar, të revokueshme, jo ekskluzive. Ju nuk rezervoni të drejtat e pronësisë intelektuale në ose ndaj Shërbimeve, përveç të drejtës për t'i përdorur ato në përputhje me këto dispozita dhe kushte. Ju nuk mund të përdorni përmbajtje nga Shërbimet tona, përveç nëse lejohet shprehimisht nga Takeda ose është e lejuar ndryshe nga ligji.

 

KUFIZIME TË PËRDORIMIT TË SHËRBIMEVE

 

Licenca jonë për të përdorur Shërbimet siç parashikohet në këto dispozita dhe kushte i nënshtrohet kontratës suaj për pajtueshmëri me të gjitha ligjet e vlefshme në fuqi në vendin tuaj që rregullojnë përdorimin tuaj të Shërbimeve. Pra, ju nuk do të:

 

• kopjoni, merrni me qira, të nën-licenconi, jepni hua, jepni me qira ose në ndonjë mënyrë tjetër i bëni shërbimet tona të disponueshme, në çfarëdo lloj forme, tërësisht ose pjesërisht, ndaj çdo personi;
• përktheni, transliteroni, bashkoni, përshtatni, ndryshoni, modifikoni të gjitha ose ndonjë pjesë të tyre, ose  t’i lejoni ato ose ndonjë pjesë të tyre të kombinohen ose përfshihen në programe të tjera, përveç rasteve kur është e nevojshme për përdorimin e tyre në pajisje siç është e lejuar në këto dispozita dhe kushte;
• çmontoni, dekompiloni, dekodoni, dizajnoni në të kundërt dhe ndërtoni, riformatoni ose kornizoni ndonjë pjesë të softuerit të shërbimit Takeda ose krijoni vepra bazuar në të gjithë ose në ndonjë pjesë të tij;
• përdorni Shërbimet tona në çfarëdo mënyre të paligjshme, për çfarëdo qëllimi të paligjshëm, ose në çfarëdo mënyre që nuk përputhet me këto dispozita dhe kushte, ose për të vepruar në mënyrë mashtruese ose me qëllim të keq, për shembull duke hakeruar ose futur kode me qëllim të keq; të tilla si viruse ose të dhëna të dëmshme, në to ose në ndonjë sistem operativ;
• të krijojë llogari të shumta nën justifikime të rreme ose mashtruese;
• i shkelni të drejtat tona të pronësisë intelektuale ose të drejtat e ndonjë pale të tretë në lidhje me përdorimin tuaj të tyre (në masën që një përdorim i tillë nuk është i licencuar sipas këtyre dispozitave dhe kushteve).

 

KUFIZIM I PËRGJEGJËSISË

 

Përdorimi i Shërbimeve është në rrezikun tuaj. Takeda nuk është përgjegjëse për çdo dëm që mund të rezultojë nga shkarkimi dhe përdorimi i shërbimeve që ju ofrohen falas ose për dëmet e shkaktuara nga ju, duke përfshirë ndjekjen e gabuar të udhëzimeve të instalimit ose mospërputhjen me kërkesat minimale të sistemit të rekomanduara nga ana jonë.

 

Në masën e lejuar nga ligji në fuqi, ne nuk jemi përgjegjës ndaj jush sipas këtyre dispozitave dhe kushteve për ndonjë dëm të veçantë, të rastësishëm, ndëshkues, pasues ose të tjera indirekte ose shembullore që rrjedhin në çfarëdo lloj mënyre nga përdorimi i Shërbimeve ose sipas këtyre dispozitave dhe kushteve, duke përfshirë, pa kufizim, fitimet e humbura, biznesin e humbur, ndërprerjet e biznesit ose humbjen e mundësive të biznesit, qoftë në rastin e një shkeljeje, kontrate ose ndryshe, edhe nëse jeni njoftuar për mundësinë e dëmeve të tilla duke përfshirë, por pa u kufizuar në gabime, lëshime ose çdo vonesë në transmetim, ndërprerje të shërbimeve nga partnerët e telekomunikacionit ose viruse, qoftë të shkaktuara tërësisht ose pjesërisht nga Forca madhore, neglizhenca, terrorizmi, lufta, vjedhja, shkatërrimi ose qasja e paautorizuar në Shërbime.

 

Ne nuk jemi përgjegjës për asnjë informacion të ofruar nga Shërbimet - megjithëse bëjmë përpjekje të arsyeshme për të përditësuar informacionin e ofruar nga Shërbimet, ne nuk bëjmë asnjë përfaqësim ose garanci, qoftë të shprehur apo të nënkuptuar, që ky informacion është i saktë, i plotë, i besueshëm ose i përditësuar. Shërbimet ofrohen "siç janë" dhe "si të disponueshme" pa garanci, qofshin të shprehura apo të nënkuptuara. Takeda nuk garanton që Shërbimet do të plotësojnë kërkesat tuaja, do të jenë pa viruse ose pa gabime dhe të pandërprera.

 

KUR MUND T’I NDËRPRESIM TË DREJTAT TUAJA PËR PËRDORIM TË SHËRBIEMVE

 

Shërbimet ofrohen pa pagesë dhe janë vetëm për qëllime informative. Ne nuk pretendojmë se do të vazhdojmë t'i vëmë në dispozicion, t'i mbështesim dhe/ose t'i përditësojmë për një kohë të pacaktuar. Nëse vendosim të ndalojmë bërjen e tyre të disponueshme, mbështetjen dhe/ose përditësimin e tyre, ne do t'ju japim njoftim sa më të arsyeshëm për rrethanat. Kjo do të ndërpresë qasjen tuaj në shërbime.

 

Ne gjithashtu mund të ndërpresim të drejtat tuaja për të përdorur Shërbimet në çdo kohë duke ju kontaktuar nëse konstatojmë se ju keni shkelur këto dispozita dhe kushte. Ky përfundim mund të pezullohet ose të ndërpritet nëse shkelja juaj mund të korrigjohet brenda periudhës grejs që ju është dhënë sipas gjykimit të Takeda. Në rast se ne i ndërpresim të drejtat tuaja për të përdorur shërbimet:

 

• Duhet të ndaloni përdorimin e Shërbimeve.

 

• Duhet të fshini ose hiqni Shërbimet nga të gjitha pajisjet që zotëroni dhe të shkatërroni menjëherë të gjitha kopjet e Shërbimeve që mund të zotëroni.

 

TRANSFERIM I KONTRATËS

 

Takeda mund t'i transferojë të drejtat dhe detyrimet e saj sipas këtyre dispozitave dhe kushteve te një organizatë ose subjekt tjetër në çdo kohë me pëlqimin e saj. Si Përdorues, Takeda do t'ju njoftojë për një transferim të tillë nëse ndodh. Transferimi nuk do të ndikojë në të drejtat tuaja sipas kontratës.

 

Ju mund t'i transferoni të drejtat ose detyrimet tuaja sipas këtyre dispozitave dhe kushteve vetëm tek një person tjetër juridik me pëlqimin tonë dhe një pëlqim i tillë do të konsiderohet i vlefshëm nëse ndahet vetëm me komunikim me shkrim.

 

KUSHTE TË MËTEJSHME

 

Këto dispozita dhe kushte nuk i japin asnjë të drejtë një pale të tretë për të zbatuar ndonjë nga këto dispozita dhe kushte. Nëse një ose më shumë nga dispozitat e këtyre dispozitave dhe kushteve konsiderohen të pavlefshme, të paligjshme ose të pazbatueshme, dispozita do të konsiderohet e përjashtuar nga këto dispozita dhe kushte dhe nuk do të zhvleftësojë dispozitat e tjera të këtij dokumenti.

 

Çdo vonesë në zbatimin e këtyre dispozitave dhe kushteve nuk e zhvlerëson të drejtën tonë për t'i zbatuar ato në çdo kohë të mëvonshme. Nëse ne nuk i zbatojmë menjëherë dispozitat e këtyre dispozitave dhe kushteve ose nuk vonojmë marrjen e masave kundër jush për shkeljen e ndonjë prej këtyre dispozitave dhe kushteve, detyrimi juaj për t'iu përmbajtur dispozitave dhe kushteve mbetet i vlefshëm dhe e drejta jonë për të zbatuar dispozitat dhe kushtet dhe për të marrë masat e nevojshme më vonë, mbetet e vlefshme.

 

LIGJI I ZBATUESHËM DHE KONTESTE

 

Nëse jetoni në një vend që kërkon që kontratat e konsumatorëve të rregullohen nga ligji vendas (p.sh. shtetet anëtare të Bashkimit Evropian), atëherë të gjitha ankesat kundër nesh do të rregullohen nga ligji juaj vendas, me përjashtim të zgjedhjes së dispozitave ligjore. Në të gjitha rastet e tjera do të zbatohet ligji zvicerian, me përjashtim të zgjedhjes së dispozitave ligjore. Ju mund të zgjidhni çdo ankesë përpara gjykatës kompetente në vendin tuaj të banimit. Në të gjitha rastet e tjera, gjykatat në Zyrih do të kenë juridiksion mbi ankesën tuaj.

 

PËRDITËSIM DHE NDRYSHIME TË SHËRBIMEVE

 

Herë pas here mund t'ju kërkojmë të përditësoni Shërbimet për të përmirësuar performancën, për të përmirësuar funksionalitetin, për të pasqyruar ndryshimet e sistemit operativ ose për të zgjidhur çështjet e sigurisë. Megjithatë, ne nuk kemi asnjë detyrim ligjor për të përditësuar Shërbimet. Nëse zgjidhni të mos instaloni përditësime të tilla, mund të mos jeni në gjendje të vazhdoni të përdorni Shërbimet.

 

NDRYSHIME TË DISPOZITAVE DHE KUSHTEVE

 

Mund të na duhet t'i ndryshojmë këto dispozita dhe kushte për të pasqyruar ndryshimet në ligj ose praktikat më të mira, ose për t'u marrë me veçoritë shtesë që prezantojmë. Në këto raste, ndryshime të tilla do të jenë të detyrueshme për ju vetëm pas pranimit nga ana juaj e dispozitave dhe kushteve të ndryshuara. Ne do t'ju njoftojmë paraprakisht për ndryshimin. Nëse nuk i pranoni ndryshimet për të cilat ju kemi njoftuar, nuk do të lejoheni të vazhdoni të përdorni Shërbimet. Nëse nuk bëhen ndryshime materiale në klauzolën e zgjidhjes së mosmarrëveshjeve të parashikuara këtu, ju pranoni që ndryshimet në këto Dispozita dhe Kushte nuk krijojnë një mundësi të përsëritur për të hequr dorë nga klauzola e zgjidhjes së mosmarrëveshjeve.